x

三權分工唔錯,善信終於肯面對現實咪幾好

人類從來唔係理智動物,各位睇下中共益發重用不斷加速推緊習朝變明朝嘅一眾港共奴才表現,你就會好理解上一句話,真理部部長aka教育局局長楊潤雄日前一句「香港從來唔係三權分立(政體)」,的確令好多善男信女嘩然,更過癮嘅係總加速師aka行騙長官 #林奠月娥 驚死執輸咁馬上補多一飛「力撐」佢條護主忠羊,如果想用人話理解返林奠講緊乜,三兩句講完就係「係呀,乜撚嘢三權分立三權分工都係水鳩你班港燦嘅啫,而家擺明係順我者昌逆我者亡,吹咩?」

嗱!林奠,呢鋪我就撐妳啦,難得你大發慈悲,有五秒airtime冇講大話,簡直係神跡。

香港地淪陷中殖廿三年,所謂「香港特別行政區」由Day0設計到今時今日,成套說法都係各代殖民者+賣港賊合力串通嘅Matrix:法撚法治教渲染為(偽)神聖不可侵犯嘅所謂法律(甚至基本法),基本法擺明一大個backdoor漏洞附件三任由中共強姦香港法律美其名「行政主導」嘅「行政霸道」,閹完再閹再翻閹放題嘅殘廢垃法會,加上當下環球惡名昭彰嘅有牌恐怖份子aka香港警察(成班知法犯法者竟然仲係執法者喎),試問聲共產香港當下如此政制笑話,並唔係2020先發生嘅事,司法畀中共人大食住,執法無謂再提,立法功能組別+獻世派騎劫+DQ……blablablabla到悶,行政會議由董匪到林奠一大堆社會腎達廿三年嚟「豐功偉績」,由始至今,共港何來「三權分立」?

原來沒有從來都沒有,閣下以前以為香港曾經有三權分立,只係不美麗嘅誤會,中共一直閹而不拆「一國兩制、高度自治、港人治港、三權分立」呢堆貞節牌坊,為嘅只係希望以西人理解嘅纏腳布教條,去隱藏香港之於中國謀略西方文明國家各種政經利益嘅白手套功能,林奠終於坦坦白白一次咪幾好,大家坦坦白白,牠從此連扮少少嘢都慳返,牠可以忠誠勇毅咁做佢嘅土皇帝,佢有佢話鳩知香港人燒炭,香港人有香港人各種打算,林奠貽害社禝都咁多年啦,多麼難得搵到一句牠終於能準確表達現實嘅說話,閣下體會到我聽到林奠否定三權分立嗰一秒,能夠令人幾咁振奮嗎。

其實如果唔係林奠大能+小學雞皇帝按捺不住全世界辣火頭,中共借「香港」招牌繼續蟲蛀文明國家政經力量多幾年,此消彼長,共產勢力今次原本真係有機會一雪冷戰蘇聯輸畀美國之恥,人類文明命不該絕,照計都要為刁帝林奠立返個刁像才對。

呀,爭啲漏咗 #綠帽KOL 陳同佳嗰份添,人家單槍匹馬一條友一把刀一個喼,引發史詩級蝴蝶效應,睇嚟煤山就來熱鬧到冇位吊頸嚕,呢粒癦真心勁呢。