x
預約系統出錯 市民提早接種科興 70歲長者:唔打就笨喇

預約系統出錯 市民提早接種科興 70歲長者:唔打就笨喇

內容: 

(獨媒報導)政府原定於本周五(26日)開始為優先接種組別人士安排注射科興疫苗,今日率先邀請了200名屬於優先接種組別的人士,前往銅鑼灣中央圖書館的社區接種中心接種。惟公務員事務局局長聶德權到場時表示,電腦系統出錯,有超過110名市民成功預約今日打針,變相提早三日接種。

70歲翁:對中國有信心 對德國冇信心

上午約10時45分,陸續有市民於接種後離開,70歲的退休人士李先生是電腦系統出錯下的「受惠者」。他面露笑容表示「唔打就笨喇」,形容心情「好興奮、無緊張,打完針仲開心」。李先生續指,打針流程順利,接種後觀察30分鐘方可離開。

李先生直言「我對科興有信心,信政府!」,又指「對中國有信心,對德國嗰啲(疫苗)冇咁有信心」。李指想去旅行是接種的原因之一,日後想去澳門等地旅遊,但「唔鍾意歐洲、唔鍾意美國」。被問到科興疫苖保護率偏低,他直指「我唔覺得低喎」,更指「你哋啲後生仔都要去打」。

33402380-6650-479C-A5E0-47ACFAFAFBC9
醫護人員屬優先接種組別。

84歲女士:求其打咗咪算囉

84歲的譚女士在兒子陪同下接種疫苖,指「住附近吖嘛,遲啲打就好多人」。被問到為何選擇科興時,她回應「求其打咗咪算囉」。另一名83歲的譚女士則認為「全民都要打」,並指「都唔擔心副作用」,但亦指「唔知有咩副作用」。

65歲退休人士胡先生
退休人士胡先生

65歲翁稱「打疫苗係幫國家」 未分清科興、BioNtech

65歲退休人士胡先生指「我係中國人,支持中國」,形容打疫苖是「幫國家」,「越早打就有著數」。被問到科興保護率較低,他指「呢個(科興)係死咗嘅病毒,喺你身體內會自動慢慢產生抗體,唔可以一下就計成功率,要睇埋日後」,又指「你打嗰啲有生命嘅(指BioNtech)入去,冇咁好」。惟翻查資料,科興與BioNtech的分別並不在於疫苖內的病毒是否存活,後者應用的為mRNA技術,不會使用活病毒,與科興應用的滅活技術不同。當被追問是否擔心副作用時,他回應指「你擔心咁多,你自己咪唔好打囉」。

10A66549-B84D-479C-9D41-1ED9631E438B
跨境運輸工作人員獲安排優先接種。