《愛回家》池美麗同「飯托」Karen撞樣!觀眾昐池美麗重演案情

517

最近網絡熱爆話題應該係少女Karen帶唔同男網友去同一間餐廳1晚食11餐,順勢劏客再同餐廳分佣。而無綫8點鐘劇集《愛.回家之開心速遞》經常都會將時事加入劇情,用搞笑角度有出思考。最近有網民就力推呢位《愛回家》嘅女演員化身Karen重演案情,望一望,又真係有幾分相似喎!

觀眾昐《愛回家》池美麗重演案情

今個星期嘅「美女飯托」事件女主角Karen。(網上圖片)

簡單講返件事,近日有一班苦主喺交友網站認識一名叫做Karen、貌似胖妹加蘇永康混合體嘅少女,聲稱失戀想搵人陪食飯,受害人應約後,就被帶到太子一間名為「唐三樓」嘅cafe食飯,受害人形容嗰度啲食物好難食,埋單仲要800蚊!其中一名苦主更發現「胖妹」不停帶唔同男人去呢間cafe食飯,1晚食足11餐,懷疑係騙局,所以決定踢爆事件,以防再有人中伏!

食份量超少嘅意粉加飲品,埋單$800份量超少嘅意粉加飲品,埋單$800

Karen喺交友網用假相,仲指自己叫Anna,呃到唔少男仔都同佢傾計同見面。

網上面係呢個樣

 

飯托Karen事件又點解會關《愛回家》事呢?皆因有網民認為Karen同《愛回家之開心速遞》入面嘅池美麗(鍾凱琪飾)好似樣,希望編劇可以為幫池美麗寫返一集,重演飯托驕案。

池美麗好真心咁問:「誠信,咩嚟架食得架?」(影片截圖)

呢個係《愛.回家之開心速遞》嘅池美麗。(影片截圖)

鍾凱琪喺Instagram出Post:「其實我都有試過好多次食飯唔使畀錢嘅經驗。」咁搵佢扮Karen實好適合啦!

有網民就真係好期待會有個飯托題材,一定會笑到癲。亦都有人認為池美麗靚過Karen好多!

鍾凱琪飾演嘅池美麗,喺劇中係池子孝嘅妹妹,曾經極度迷戀秦博思,另外最為人記得嘅就係非常鍾意食嘢,而鍾凱琪又真係同今個星期嘅「美女飯托」事件女主角Karen撞樣﹗令網民不禁開post建議編劇快啲寫個新單元講「美女飯托」,搵池美麗做單元女主角:「幫速熊做速托一定好正﹗」不過根據角色設定佢咁為食,劇情應該會改為:「池美麗會5分鐘食晒d野,之後話返屋企,再呃下個食足11餐﹗」
鍾凱琪本身都好鐘意食嘢架。(鍾凱琪IG)
鍾凱琪本身都好鐘意食嘢架。(鍾凱琪IG)
鍾凱琪飾演嘅池美麗,喺劇中曾經極度迷戀秦博思。(IG圖片)

鍾凱琪飾演嘅池美麗,喺劇中曾經極度迷戀秦博思。(IG圖片)

網友群情洶湧之下,鍾凱琪貼咗一張濃妝日系美女圖回應:「做乜無啦啦各位玩到咁大?要飯托我?好吧,其實我都有試過好多次食飯唔使畀錢嘅經驗嘅,但我真係冇特登叫人請㗎,通常在日本同人傾熟咗,人哋唔知點解會主動幫你買埋單。不過我就好少網上約人出嚟食飯,我諗 如果我用這張圖應該都會同文不符吧哈哈? ps呢張真係我嚟㗎!!無p圖只有調色。角度的重要性,我是自拍高手!」

鍾凱琪話呢張相無P過圖架﹗(鍾凱琪IG)鍾凱琪話呢張相無P過圖架﹗(鍾凱琪IG)

池美麗喺劇中係池子孝個妹,指佢極度迷戀秦博思,鍾意食嘢唔做嘢,連送去客人嘅貨都食埋。所以搵佢做「美女飯托」就一定好正!